Mae tlodi tanwydd yn bwnc llosg yng Nghymru ac mae hyd at draean ohonom yn cael ein cyfri’n ‘dlawd o danwydd’ yn ôl polisi Cymreig. Ond mae llawer o bobl sy’n syrthio i’r category hwn yn ystyried eu bod yn gallu cadw’u tai yn gynnes hyd yn oed os oes raid iddynt dolio rhywfaint.

Yn ôl ‘y nhw sy’n gwybod’ dylai stafell fyw gael ei chynhesu i 21°C (ac i 18°C yn yr ystafelloedd eraill). Os ydym yn gallu fforddio gwneud hyn ai peidio yw’r maen prawf sy’n cael ei ddefnyddio i asesu os ydym yn byw mewn tlodi ynni er bod y mwyafrif ohonom yn hollol hapus a chlyd os ydi hi ychydig raddau’n oerach. Wrth wneud hynny gallwn gyhoeddi’n hyderus ein bod yn helpu’r amgylchedd oherwydd mae polisi Cymreig arall yn ein hannog i droi’r gwres i lawr o gwta 1°C i arbed 10% ar ein costau a lleihau allyriadau nwyon tŷ gwydr hefyd. Beth ddylem ni wneud? Troi’r gwres i fyny i gwrdd â’r maen prawf ‘gwres derbyniol’ swyddogol neu droi’r gwres i lawr er mwyn arbed ceiniog neu ddwy a’r blaned yn ei sgil? Ydych chi’n teimlo’n gymysg oll i gyd ynglŷn â’r peth? Finnau a’r criw yn SBBS hefyd. Continue reading →

Mae Llywodraeth Cymru yn y broses o gyflwyno deddfwriaeth fydd yn “datblygu a chryfhau ei agwedd at ddatblygiad cynaliadwy yng Nghymru”. Yn ddiweddar cyhoeddwyd yr ymateb i’r ddogfen ymgynghoriad (<http://wales.gov.uk/consultations/sustainabledevelopment/sdbill/?skip=1&lang=cy&gt;). Wrth i mi adlewyrchu ar y cynnwys heriwyd fi gan gyfaill i edrych ar y sefyllfa yn y Swistir.

Gwahoddiad yw’r blog hwn i chi edrych ar bigion o ddogfen 72 tudalen o hyd sef Strategaeth Datblygu Cynaliadwy 2012-2015 gan Gyngor Ffederal y Swistir. Dyma’r bedwaredd yn y gyfres (cyhoeddwyd y cyntaf yn 1997). Mae’r ddogfen, sy’n cynnwys Cynllun Gweithredu  yn werth ei darllen yn ei chyfanrwydd – neu hyd yn oed y crynodeb 16 tudalen. Yn enwedig i’r rhai hynny sy’n credu ein bod yn creu gwialen i’n cefnau ein hunain (neu beth bynnag yw’r idiom gywir am ‘rod for our own backs’) drwy ddeddfu ar ddatblygu cynaliadwy mewn cyfnod o gynni economaidd, ac sydd, o bosib yn edrych am gymorth o’r cyfeiriadau anghywir.    <http://www.are.admin.ch/themen/nachhaltig/00262/00528/index.html?lang=en&gt; Continue reading →